Кенеш Мучи (паспортпа: Мальцев Геннадий Степанович) — ҫыравҫӑ, сӑвӑҫ. 1929 ҫулхи нарӑсӑн 10-мӗшӗнче Элӗк районӗнчи Чӑрӑшкасси ялӗнче ҫуралнӑ. 1991 ҫулхи раштавӑн 9-мӗшӗнче Шупашкарта вилнӗ.

1979 ҫултанпа СССР ҪП пайташӗ.

Кун-ҫулӗ

Шупашкарти вӑтам ял хуҫалӑх шкулӗнче, Ленинградри аслӑ парти шкулӗнче пӗлӳ пухнӑ. Чӑвашрадион корреспонденчӗ, Йӗпреҫ район хаҫачӗн редакторӗ, «Капкӑн» журналӑн пай заведующийӗ, Ҫыравҫӑсен Пӗрлешӗвӗн пропаганда бюровӗн ертӳҫи пулнӑ.

Пултарулӑхӗ

Очерксем, калавсем, фельетонсем ҫырнӑ.

Кӗнекисем:

• «Ҫӗнӗ председатель» (1957);
• «Кашли киле кӗр» (1963);
• «Юратӑва упра» (1970);
• «Ҫуралнӑ кун» (1974);
• «Уй куҫлӑ, варман хӑлхаллӑ» (1976);
• «Пирӗн асанне» (1978);
• «Парне кунӗ» (1979);
• «Кама — кулӑ, кама — хулӑ» (сатирӑллӑ калавсем, 1980);
• «Олегпа Валерик тусӗсем» (1982)
• «Ваттисем ахаль каламан...» (Калавсемпе шӳтсем, 1989);
• «Вӗренӗн те вӗҫӗ пур» (Кулӑшла калавсем, (1989);
• «Пурнӑҫа шеллемесӗр» (Очерксем, 1990)

Унӑн сӑввисемпе нумай лирикӑллӑ юрӑ хывнӑ.